რუსეთი Су-34 მართვადი ავიაბომბებით უკრაინულ პოზიციებს უტევს
რუსეთი უკრაინის წინააღმდეგ სამხედრო მოქმედებებში აქტიურად იყენებს მოიერიშე ბომბდამშენს Су-34, რომელიც უკრაინულ პოზიციებზე დარტყმებს მართვადი ავიაბომბებით ახორციელებს. ამის შესახებ წერს გამოცემა InoSMI, რომელიც საერთაშორისო წყაროებზე დაყრდნობით მიმოიხილავს მიმდინარე სამხედრო ვითარებას.
სტატიაში აღნიშნულია, რომ მართვადი ავიაბომბები რუსულ ავიაციას საშუალებას აძლევს, სამიზნეებს დაარტყას დიდი დისტანციიდან, ფრონტის ხაზთან მიახლოების გარეშე. მსგავსი ტაქტიკა ამცირებს თვითმფრინავების საფრთხეს უკრაინის საჰაერო თავდაცვის სისტემების მხრიდან და ზრდის დარტყმის ეფექტიანობას.
InoSMI-ის ინფორმაციით, Су-34-ის მიერ გამოყენებული ავიაბომბები აღჭურვილია სპეციალური მოდულებით, რომლებიც ფრენის დროს კორექტირების შესაძლებლობას იძლევა. შედეგად, ბომბები სამიზნეებს უფრო ზუსტად აღწევს და ზიანის არეალიც ფართოვდება.
გამოცემა წერს, რომ ასეთი ავიადარტყმები განსაკუთრებით იმ რაიონებში ფიქსირდება, სადაც უკრაინული ძალების თავმოყრაა დაფიქსირებული. სამხედრო ანალიტიკოსების შეფასებით, აღნიშნული მიდგომა შესაძლოა რუსეთის სამხედრო მოქმედებების ერთ-ერთ მთავარ ტაქტიკად ჩამოყალიბდეს.
ამასთან, ექსპერტები ყურადღებას ამახვილებენ იმაზეც, რომ მართვადი ავიაბომბების გამოყენება ზრდის სამოქალაქო ინფრასტრუქტურის დაზიანების რისკს, განსაკუთრებით იმ ტერიტორიებზე, სადაც სამხედრო და სამოქალაქო ობიექტები ერთმანეთთან ახლოს მდებარეობს.
ცნობისთვის, InoSMI საერთაშორისო მედიის მასალებზე დაყრდნობით აშუქებს გლობალურ სამხედრო და გეოპოლიტიკურ პროცესებს.