ირაკლი ზარქუა მონაკოს ვიდეოზე: „თბილისში ვარ — ეს არის შავი პიარი“

ირაკლი ზარქუა ინტერნეტში გავრცელებულ მონაკოს ვიდეოს ეხმაურება

საქართველოს პარლამენტის დიასპორის საკითხთა კომიტეტის თავმჯდომარე ირაკლი ზარქუა სოციალურ ქსელში გამოეხმაურა ინტერნეტში გავრცელებულ ვიდეომასალას, რომელიც, მისი თქმით, მონაკოს უკავშირდება და მის მიმართ ცრუ ინფორმაციის გავრცელების მცდელობას წარმოადგენს.

,,მოკლედ ნაც. ზონდერები და არშემდგარი რევოლუციის ავტორები (აკაცუკები და ძმანი მისნი) ჩემზე ავრცელებენ მორიგ ცრუ ინფორმაციას. რა მონაკო და საფრანგეთი?! აგერ, თბილისში ვარ. თბილისში! ან თუნდაც ევროპაში რომ ვყოფილიყავი და მესეირნა, ამაზე ნებართვა აკაცუკებს უნდა ვთხოვო და ნაც. ტროლებს?! მოკლედ, არ ისვენებთ და ცდილობთ, ხან ხელოვნური ინტელექტით, ხან ფოტოშოპით რაღაც სიგიჟე ფოტოები და ვიდეოები დადოთ ჩემზე და ამით შავი პიარი ამიგოროთ! თუმცა ამაოდ! ასე გააგრძელეთ სიცრუეში ცხოვრება. მე კი, დამდეგ ძველით ახალ წელს მოგილოცავთ ყველას!” ,- წერს ზარქუა.

ირაკლი ზარქუამ „ფეისბუქზე“ გაკეთებულ განცხადებაში აღნიშნა, რომ მის შესახებ გავრცელებული ინფორმაცია, თითქოს იგი მონაკოში ან საფრანგეთში იმყოფებოდა, სიცრუეა. დეპუტატის თქმით, მსგავსი მასალების გავრცელება პოლიტიკური ოპონენტების მხრიდან მიზანმიმართული დეზინფორმაციის ნაწილია.

ზარქუა აცხადებს, რომ ინტერნეტსივრცეში მისი სახელით გავრცელებული ფოტოები და ვიდეოები რეალურ კონტექსტს არ ასახავს და საზოგადოებრივი აზრის შეცდომაში შეყვანას ემსახურება. მისივე თქმით, მსგავსი მეთოდები უკვე არაერთხელ გამოუყენებიათ მის წინააღმდეგ.

„შავი პიარის“ მცდელობა — ზარქუას შეფასება

დეპუტატის განცხადებით, გავრცელებული ვიდეო და მასთან დაკავშირებული კომენტარები წარმოადგენს „შავი პიარის“ მცდელობას, რომელიც პოლიტიკურ მიზნებს ემსახურება. ზარქუა აღნიშნავს, რომ მისთვის მიუღებელია მსგავსი გზებით დეზინფორმაციის გავრცელება და საზოგადოების შეცდომაში შეყვანა.

მისივე თქმით, თუნდაც საზღვარგარეთ ყოფნა არ წარმოადგენს დარღვევას, თუმცა კონკრეტულ შემთხვევაში იგი თბილისში იმყოფება და გავრცელებული ინფორმაცია რეალობას არ შეესაბამება.

ვიდეოს გავრცელება სოციალურ ქსელში

ცნობისთვის, სოციალურ ქსელში გვერდმა Carspotter Daily Monaco გაავრცელა კადრები, სადაც მონაკოს ღამის ცხოვრებაა ასახული. ვიდეოს კომენტარებში გაჩნდა ვარაუდი, რომ კადრებში შესაძლოა ქართველი დეპუტატი ჩანდა, რასაც მოჰყვა აქტიური განხილვა ინტერნეტსივრცეში.

ირაკლი ზარქუას განცხადებით, მსგავსი ვარაუდები უსაფუძვლოა და მიზნად მისი დისკრედიტაცია აქვს.