რა მოხდებოდა, პუტინს ზელენსკი დაეკავებინა?
რა მოხდებოდა, პუტინს ზელენსკი დაეკავებინა? ვენესუელას პრეზიდენტის დაკავების შემდეგ ეს კითხვა მსოფლიო პოლიტიკის ცენტრში აღმოჩნდა.
ვენესუელას ლიდერის დაკავებამ მსოფლიო ორ ბანაკად გაყო. ყოფილი ეკვადორის პრეზიდენტი რაფაელ კორეა აცხადებს, რომ ეს ნაბიჯი არა სამართლის აღსრულება, არამედ გლობალური ძალაუფლების დემონსტრაციაა.მისი შეფასებით, საერთაშორისო წესრიგი ორმაგ სტანდარტებზე დგას.
„წარმოიდგინეთ ერთი წამით: პუტინმა ზელენსკი დააკავა. როგორი რეაქცია ექნებოდა მსოფლიოს? სრული ქაოსი. სანქციები. საგანგებო სამიტები. მაგრამ როცა ამას ვაშინგტონი აკეთებს — დუმილი სუფევს,“ — ამბობს კორეა.
⚖️ მადუროს პოზიცია : „მე ღირსეული ადამიანი ვარ. ეს პოლიტიკური ანგარიშსწორებაა.“
მისი მხარდამჭერები ამტკიცებენ, რომ საქმე არა სამართალს, არამედ გეოპოლიტიკურ ზეწოლას ეხება.
ბრაზილიამ, მექსიკამ, ჩილემ, კოლუმბიამ და ურუგვაიმ ერთობლივი განცხადება გაავრცელეს:
- ვენესუელის ბედი უნდა გადაწყვიტონ ვენესუელელებმა
- დაუშვებელია უცხო ქვეყნის ჩარევა
- კონფლიქტი უნდა გადაწყდეს საერთაშორისო სამართლის ფარგლებში
ამავე დროს, არგენტინის პრეზიდენტმა ხავიერ მილეიმ ღიად დაუჭირა მხარი აშშ-ს მოქმედებებს.
💬 მედვედევი: „ამ ლოგიკით, ხვალ შეიძლება ნებისმიერი ლიდერი გაიტაცონ. უკვე აღარაფერი გვაკვირვებს.“
მისი თქმით, მსოფლიო სახიფათო ზღვარზე დგას.
თუ დღეს შესაძლებელია ერთი ქვეყნის პრეზიდენტის დაკავება ძალის გამოყენებით —ვინ იქნება შემდეგი?და თუ ეს შესაძლებელია ვენესუელასთან,
რატომ არა ზელენსკისთან?