რა შუაშია ჩემი ცოლ-შვილი. ტერორისტები ხართ, ვინც ჩემი ცოლ-შვილი მძევლად აიყვანეს.

თავდაცვის ყოფილი მინისტრის, ბაჩო ახალაიას სასამართლო პროცესი სრულად დაიხურა.

აღნიშნული შუამდგომლობა პროკურატურამ წარმოადგინა და განაცხადა, რომ საქმეში არსებობს მოწმეთა შესახებ საიდუმლო ინფორმაციები, რომლის გავრცელებაც შესაძლოა მოხდეს, მათ შორის მოწმეების პერსონალური ინფორმაციები.

აღნიშნული შუამდგომლობა კი მოსამართლე, მზია მელქაძემ დააკმაყოფილა.

მე ტერორისტებთან მოლაპარაკებას არ ვაწარმოებ – ვინც ეს დაგავალა გადაეცი – საფლავიdან ამოგთხრი [მიმართა პროკურორს],- ამის შესახებ თავდაცვის ყოფილმა მინისტრმა ბაჩო ახალაიამ სასამართლო პროცესზე განაცხადა.

მისი თქმით, მას სუს-ში უთხრეს, რომ მის მეუღლეს, ანა ნადარეიშვილს დააკავებდნენ თუ ის თავისი მეგობრების წინააღმდეგ ჩვენებას არ მისცემდა.

„რატომ უნდა დაიხუროს საქმე, რომელიც არ დაწყებულა? გინდათ, რომ პროცესებზე ადამიანები არ მოვიდნენ, რომ ვერ გაიგონ ინფორმაცია. რა საფუძვლით უნდა დახუროთ, რა ლოგიკით? ისიც ვერ გავიგე ჩემი მეუღლე ბრალდებულია თუ არა. უცნაურობა ეტყობა ამ ყველაფერს. დახურვის წინააღმდეგი ვარ, მინდა, რომ ყველამ იცოდეს, თუ რა მტკიცებულებები გაქვთ.

ჩემი მეუღლე ჩემთან ერთად დააკავეს. სუს-ის შენობაში მითხრეს შენს ცოლს დავიჭერთ ან სხვა ადამიანებს პაატა ბურჭულაძესა და სხვებს ამხელო. როდესაც მეუბნებიან რომ შენს ცოლს დავიჭერთ და შვილებს ობლად დაგიტოვებთ, ეს საქმე უნდა დახუროთ? თუ არ მონაწილეობდი ის თქვი, რომ ეს იცოდიო. შენი ბავშვი 10 წლის განმავლობაში ობლად დარჩებაო. ტერორისტია ის, ვინც ამას აკეთებს და რომელიც ჩემი მეგობრების წინააღმდეგ ჩვენების მიცემას მთხოვდა. ვინც ეს დაგავალა გადაეცი: საფლავიდან ამოგთხრი [მიმართა პროკურორს].

რა შუაშია ჩემი ცოლ-შვილი. ტერორისტები ხართ, ვინც ჩემი ცოლ-შვილი მძევლად აიყვანეს.

მე კი ტერორისტებთან მოლაპარაკებას არ ვაწარმოებ”,- თქვა ბაჩო ახალაიამ.

სასამართლომ ბაჩო ახალაიას აღკვეთის ღონისძიების სახით პატიმრობა შეუფარდა.აღნიშნული გადაწყვეტილება მოსამართლე მეია მელქაძემ მიიღო, რითაც პროკურატურის შუამდგომლობა დააკმაყოფილა.

ცნობისთვის, ბაჩო ახალაიას 4 ოქტომბრის საქმეზე ბრალდება საქართველოს სისხლის სამართლის კოდექსის 225-ე მუხლის პირველი ნაწილით ჯგუფური ძალადობის ორგანიზება და ხელმძღვანელობა წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.