ჩინეთიდან საიდუმლო დოკუმენტებმა გაჟონა – რა აღმოჩნდა გრიფირებულ მასალებში?

CNN ავრცელებს ინფორმაციას 177 გვერდიანი დოკუმენტის, ე.წ. ვუჰანის ფაილების შესახებ, რომელიც ნათლად გვაჩვენებს, თუ რა იცოდა სახელმწიფომ ვირუსის შესახებ და როგორ მოქმედებდა მასთან საბრძოლველად. დოკუმენტი ადასტურებს, რომ ჩვენთვის აქამდე ცნობილი ინფორმაცია, ვითარების მხოლოდ გარკვეული ნაწილი იყო.

რეკლამა
eudora.ge

საიდუმლო დოკუმენტი ჰუბეის მთავრობის მიერ დაშვებულ შეცომებს წარმოაჩენს, მაგალითად ისეთს, როგორებიცაა საჭირო ღონისძიებების არდაფინანსება, მომუშავე პერსონალისა და საჭირო აპარატურის უკმარისობა და ა.შ.

„მათ არამხოლოდ გაურკვეველ ვირუსთან გამკლავებისას დაუშვეს შეცდომები, არამედ ბიუროკრატიული და პოლიტიკური მოტივებით განპირობებული მიზეზებითაც მსოფლიო პოლიტიკურ სივრცეში დაიწყეს ტყუილები.

ჰუბეის პროვინციის ცენტრის დაავაადებათა კონტროლისა და პრევენციის საბუთების თანახმად, ნაპოვნია არაერთი შეუსაბამობა გავრცელებული ვირუსის შესახებ, ანუ ინფორმაცია განსხვავდება იმისგან, რასაც სამთავრებო უწყება საჯაროდ ავრცელებდა.

ვანდერბილთის უნივერსიტეტის ინფექციური დაავადებების პროფესორის – ვილიამ შაფნერის თქმით, ჩინეთის ხელისუფლება ეპიდემიის ზეგავლენას შემცირებულად წარმოაჩენდა. ჰუბეის პროვინციის ადგილობრივი ჯანდაცვის სამართველოს მოხსენებაში სახელწოდებით – „შიდა/საიდუმლო დოკუმენტი, შეინახთ კონფიდენციალურად“, 10 თებერვლისთვის, 5918 დადასტურებული ახალი შემთხვევა იყო აღნიშნული, რაც თითქმის, 2-ჯერ უფრო მეტია ვიდრე, ოფიციალურად გავრცელებული ინფორმაციის მიხედვით, რომელიც 2478 შემთხვევას ითვლიდა.

ჩინეთი საერთაშორისო არენაზე თავის სახეს უფრთხილდებოდა. ძალაუფლებაში მყოფნი, უფრო დაბალ რანგზე მყოფ თანამშრომლებს დავალებული სამუშოების შესრულებას სთხოვდნენ. მიღებული შედეგების გამო, თებერვლის შუა რიცხვებში ხელისუფლებამ ჰუბეის ჯანდაცვის მაღალჩინოსნები თანამდებბებიდან გაანთავისუფლა.

საინტერესოა ისიც, რომ დოკუმენტის მიხედვით, დაახლოებით 23 დღე დასჭირდა ვირუსის გავრცელებისას სახელმწიფო ორგანოებს მის დასადგენად, ვინაიდან შესაბამისი აღჭურვილობა რთულად გამოყენებადი და მოძველებული იყო. პროგრამა ფუნქციურად მხოლოდ 7 მარტს გაიმართა და ამავე დღესვე ინფიცირების ახალი დადასტურებული შემთხვევების 80% გამოვლინდა“.

CNN-ის მიერ გავრცელებული ინფორმაცია ადასტურებს, რომ ჯანდაცვის ორგანოებმა ვირუსის რეალური საფრთხე ვერ გაიაზრეს, ამას კი გლობალური კრიზისი მოჰყვა თან.

სხვა სიახლეები

სხვა სიახლეები