დისტანციური ახალი წელი, კალაძკლაუსი, პანდემია და შიმშილი ხალხს : მერიამ კონცერტების ჩასატარებლად 2,7 მილიონის ტენდერები გამოაცხადა

2020 წლის 1 და 2 დეკემბერს თბილისის მერიამ 2,705,550 ლარის ღირებულების 13 ტენდერი გამოაცხადა, რომლის მიზანიცაა 2021 წლის განმავლობაში თბილისში გასამართი კონცერტებისთვის სხვადასხვა მომსახურების შესყიდვა, მათ შორის 2022 წლის საახალწლო კონცერტებისთვის აპარატურის და სცენის მოწყობილობების შესყიდვა.

აღნიშნული 13 ტენდერი 2021 წლის მანძილზე თბილისში გასამართი კონცერტებისთვის შესაბამისი აპარატურის მომსახურების შესყიდვას ემსახურება. მათ შორის 216,000 ლარი იხარჯება ამ კონცერტების გასაშუქებლად დიდი ეკრანების ქირაობას, ხოლო 98,000 ლარი 2021 წლის განმავლობაში დაგეგმილი კონცერტებისთვის გარე გათბობების შესყიდვას.

100,000 ლარის დახარჯვას აპირებს თბილისის მერია 2021 წლის განმავლობაში გასამართი კონცერტებისთვის ფოიერვერკისა და სხვა პიროტექნიკის შესაძენად.

აგრეთვე 100,000 ლარი დაიხარჯება თბილისის ბიუჯეტიდან 2021 წელს გასამართი კონცერტებისთვის ბიოტუალეტების მომსახურების შესაძენად.

აღნიშნული შესყიდვები უნდა დაფინანსდეს 2021 წლის თბილისის ადგილობრივი ბიუჯეტიდან, რომელიც პირვანდელი პროექტის თანახმად 840 მილიონი ლარით განისაზღვრა, რაც 262 მილიონი ლარით ნაკლებია 2020 წლის ბიუჯეტზე.

262 მილიონი ლარით შემცირება სხვადასხვა პროექტებისთვის თანხის შეკვეცით მოხდა, მათ შორის მცირდება ინფრასტრუქტურული სამუშაოები მცირდება 125 მილიონი ლარით (ანუ თითქმის ნახევრდება):

რეკლამა
eudora.ge

– საგზაო ინფრასტრუქტურის მშენებლობა მცირდება 34 მილიონი ლარით;- ინფრასტრუქტურის ობიექტების მშენებლობა მცირდება 97 მილიონი ლარით.

2021 წელს თბილისის მასშტაბით უფასო სასადილოებში ბენეფიციარებს ისევ 1.3 ლარად აჭმევენ დღის განმავლობაში, ხოლო ამის პარარელურად თბილისის მერიასა და გამგეობებში დასაქმებული თანამშრომლების შრომის ანაზღაურება 5.5 მილიონი ლარით იზრდება. მათ შორის თბილისის მერის ადმინისტრაციაში დასაქმებულთა შრომის ანაზღაურება 2021 წელს 300,000 ლარით იზრდება, მაშინ როდესაც თანამშრომელთა რაოდენობა უცვლელი რჩება.

2020 წლის ოფიციალური მონაცემების თანახმად თბილისში 106,253 ადამიანი უკიდურეს სიღარიბეში ცხოვრობს, ხოლო პანდემიის პირობებში მათი მდგომარეობა კიდევ უფრო მეტად დამძიმდა.

თვეების განმავლობაში უშემოსავლოდ დარჩენილ ადამიანებს მთავრობა ერთჯერადად 300 ლარით ეხმარება, რომელიც მთელი ოჯახის გამოსაკვებად და საარსებოდ უნდა ეყოთ მოქალაქეებს. ამ პირობებში კი თბილისის მერია 2020 წლის დეკემბერში აცხადებს 2022 წლის საახალწლო კონცერტების გასამართად ტენდერებს, რომელშიც თბილისის 2021 წლის ბიუჯეტიდან 2,705,550 ლარის დახარჯვას აპირებს. ამავე ბიუჯეტში 5.5 მილიონი ლარით იზრდება საჯარო სექტორში დასაქმებულთა შრომის ანაზღაურება, ამის პარალელურად უფასო სასადილოების ბენეფიციართა დღიური მენიუ ისევ 1.3 ლარით განისაზღვრება, ხოლო ინფრასტრუქტურული და სამშენებლო პროექტები 2021 წელს 125 მილიონი ლარით მცირდება.

ტენდერები:https://tenders.procurement.gov.ge/public/?lang=ge

სხვა სიახლეები

სხვა სიახლეები