დასახელდა 5G-ს რეალური საფრთხე, რომელსაც დიდი მსხვერპლის მოტანა შეუძლია

აშშ-ის აერონავტიკის რადიოტექნიკური კომისიის დასკვნით, 5G ანძებს მართლაც შეუძლია საფრთხე შეუქმნას ადამიანების სიცოცხლეს

თბილისი, 23 ნოემბერი — Sputnik. კავშირის 5G ქსელები რეალურ საფრთხეს წარმოადგენს ადამიანების სიცოცხლისთვის და მრავალრიცხოვანი ლეტალური შემთხვევების გამოქვევა შეუძლია, წერს გამოცემა The Sun–ი ავიაციის ამერიკელ ექსპერტებზე დაყრდნობით.

აერონავტიკის რადიოტექნიკური კომისიის (RTCA) მონაცემებით, რომელიც კონსულტაციას უწევს აშშ–ის სამოქალაქო ავიაციის ფედერალურ სააგენტოს (FAA), 5G ანძების მუშაობას გარკვეულ სიხშირეებზე შეუძლია ხარვეზები შეუქმნას ლაინერების სიმაღლის მზომ რადარებს, რომლებიც 4,2–4,4 გიგაჰერცზე მუშაობენ.

რეკლამა
eudora.ge

როგორც RTCA–ს ანგარიშშია ნათქვამი, ამას შეუძლია გავლენა მოახდინოს როგორც აშშ–ის, ისე მთელი მსოფლიოს ავიაციაზე და არაერთი ავიაკატასტროფა გამოიწვიოს მრავალრიცხოვანი მსხვერპლით.

„რისკების დეტალურ ანალიზს, რომლებიც 5G–ის გავლენას უკავშირდება, ავიაციის უსაფრთხოებისთვის სასიცოცხლო მნიშვნელობა აქვს. აუცილებელია გვქონდეს იმის გარანტია, რომ უსაფრთხოებისთვის კრიტიკულად მნიშვნელოვანი საავიაციო სისტემები დაცული იქნება“, — განაცხადა RTCA–ს ხელმძღვანელმა ტერი მაკვენესმა.

მან მოუწოდა ყველას, ყურადღება მიაქციონ კომისიის დასკვნებს და დამატებითი კვლევები ჩაატარონ საავიაციო ტრანსპორტზე 5G ქსელების ზემოქმედებასთან დაკავშირებით.

სხვა სიახლეები

სხვა სიახლეები